ئەسەد داوای هاوکاریی سەربازیی لە سوودانی دەکات

SNN

ڕۆژنامەی “عەرەبی ئەلجەدید” لە زاری سێ سەرچاوەی ئاگاداری عێراقی ئاشکرای کردوە:

بەشار ئەسەد سەرۆکی ڕژێمی سووریا داوای پاڵپشتی لە محەممەد شیاع سوودانی، سەرۆکوەزیرانی عێراق کردووە، لە ڕووبەڕووبوونەوەی هێزەکانی ئۆپۆزسیۆنی سوریا هاوکاری بکات، کە بەردەوامن لە کۆنترۆڵکردنی شار و شارۆچکەکانی ئەو وڵاتە.

یەکێک لە سەرچاوەکان کە بەرپرس بووە لە وەزارەتی دەرەوەی عێراق ئاشکرای کردووە، بەشار ئەسەد داوای پاڵپشتی راستەوخۆی لە عێراق کردووە، بۆ ئەوەی شارەکانی دیکە نەکەونە دەست چەکدارانی ئۆپۆزسیۆن.!

داواکەی بەشار ئەسەد لەکاتی پەیوەندییە تەلەفۆنیەکەی نێوان خۆی سوودانی بووە کە ڕۆژی شەممەی ڕابردوو گفتوگۆیان کرد.!