مووچەی مامۆستایانی گرێبەست کەی دابەشدەکرێت؟
مووچە بودجە
SNN-
هەرچەندە ئەمڕۆ شەممە مووچەی وەزارەتی پەروەردە دابەشدەکرێت، بەڵام نوێنەری مامۆستایانی گرێبەست دەڵێت: ئەمڕۆ مووچەی مامۆستایانی گرێبەست دابەشناکرێت
عەلی رەئوف، نوێنەری مامۆستایانی گرێبەست دەڵێت کە بەرێوەبەری گشتی بەنکە بازرگانیەکانی هەرێمی کوردستان رایگەیاندووە کە ئەمڕۆ مووچەی مامۆستایانی گرێبەست دابەشناکرێت، حکومەتی کاربەرێکەر و وەزارەتی پەروەردە ، وەزارەتی دارایی راستگۆ نەبوون کە وتیان مووچەی مامۆستایانی گرێبەست لەگەڵ وەزارەتی پەروەردە دابەشدەکرێت”
عەلی رەئوف سەبارەت بە شایستەی دارایی مانگی 8،7ی 2024، ئاماژەی بەوەشکردووە، تاوەکو ئێستا ئەمری خەرجکردنی نەداوە ڕاگیراوە لە لایەنی سەرۆکی حکومەتەوە.
نوێنەری گشتی مامۆستایانی وانەبێژ دەشڵێت:” 180 ڕۆژە مامۆستایانی گرێبەست تەنها 400 هەزار دیناریان وەرگرتووە کە ڕۆژی دەکاتە دوو هەزار دینار، باری دارایی مامۆستایانی گرێبەست لەوپەڕی خراپیدایە کاتی چالاکی و هەڵویست وەرگرتنە تاوەکو ئێمە بێ دەنگ بین زیاتر ئازارمان دەدەن حیسابمان بۆ ناکەن”.
