دەستەی پەخشی ئیسرائیل: ئیسرائیل بیر لە هاوکاریکردنى کورد لە سوریا دەکاتەوە بەشێوەیەکی ناسەربازی
SNN-
دەستەی پەخشی ئیسرائیل رایگەیاند: ئیسرائیل نیگەرانە لە نیازی تورکیا بۆ دەستپێکردنی ئۆپەراسیۆنێکی سەربازی بەرفراوان دژی کورد لە باکووری سوریا، بۆیە ئیسرائیل بیر لە هاوکاریکردنى کورد لە سوریا دەکاتەوە بەشێوەیەکی ناسەربازی.
دەستەی پەخشی ئیسرائیل لەزاری بەرپرسانەوە بڵاویكردەوە: ئیسرائیل سەرقاڵی تاوتوێكردنی هاوكاریكردنی كوردە بەشێوەیەكی نا سەربازی، بەوتەی بەرپرسەكان، ئیسرائیل نیگەرانە لە نیەتی توركیا بۆ ئەنجامدانی هێرشێكی سەربازی فراوان دژی كوردەكان لە باكوری سوریا.
لێدوانی بەرپرسە ئیسرائیلییەكان بۆ دەستەی پەخشی ئیسرائیل دوای دیداری ئەحمەد شەرع، سەرۆكی دەستەی تەحریری شام دێت لەگەڵ هاكان فیدان، وەزیری دەرەوەی توركیا لە دیمەشق.
دوێنێ یەکشەممە هاکان فیدان، وەزیری دەرەوەی توركیا لەگەڵ ئەحمەد شەرع، سەرۆكی دەستەی تەحریری شام لە كۆنگرەیەكی رۆژنامەوانیدا ئاماژەیان بە پێویستی هەڵوەشاندنەوەی سەرجەم گروپە چەكدارەكان و رادەستكردنی چەكەكانیان كرد بە دەوڵەت، بە گروپە كوردییەكانیشەوە.
