داهاتی ساڵی 2024 سلێمانی کەمتر لە یەك ترلیۆن دینارە بووە
سلێمانى، پایتهختى رۆشنبیرى ههرێمى كوردستان | فۆتۆ: SNN
SNN
بەپێی داتاكانی ماڵپەڕی شەفافییەت، داهاتی ساڵی 2024ـی سلێمانی كە لە رێژەی تۆماری گەنجینەكانی پارێزگاكەوە وەرگیراوە، كەمتر لە یەك ترلیۆن دینارە و بە بەراورد بە ساڵی 2023 داهاتی سلێمانی كەمیكردووە.
ئەو داتایانەی كە ماڵپەڕی شەفافییەت ئاشکرای کردووە دەریدەخات کە، داهاتی ساڵی 2024ـی سلێمانی و هەڵەبجە و ئیدارە سەربەخۆكانی گەرمیان و راپەڕین كە لە (گەنجینەی 1، گەنجینەی 2، گەنجینەی چەمچەماڵ، گەنجینەی گەرمیان، گەنجینەی هەڵەبجە، گەنجینەی راپەڕین)، كۆكراونەتەوە بریتییە لە 897 ملیار و 403 ملیۆن و 982 هەزار و 809 دینار، كە بەشێوەی نەختینە رێژەی 84٪ و چەك 11٪ و مقاسەش 5٪ بووە.
ئەمەش لەكاتێكدایە داهاتی ساڵی 2023ی سلێمانی بریتیبووە لە 1 ترلیۆن و 173 ملیار و 618 ملیۆن و 353 هەزار و 315 دینار كە بەو پێیەش بە بەراورد بە ساڵی 2024 داهاتەكە بە بڕی 310 ملیار دینار زیاتر بووە.
