مەسرور بارزانی دەچێتە ئەنقەرە و لەگەڵ ئەردۆغان کۆدەبێتەوە
SNN-
ئاژانسی (ئەنادۆڵ)ی توركیا بڵاویکردووەتەوە کە ئەمڕۆ سێشەممە سەرۆکكۆماری تورکیا، ڕەجەب تەیب ئەردۆغان پێشوازی لە سەرۆک وەزیرانی ھەرێمی کوردستان مەسرور بارزانی دەکات.
بەپێی زانیارییەكان، چاوەڕوان دەکرێت لە سەردانەکەدا پەیوەندییەکانی ھەرێم و تورکیا، ھەناردەکردنی نەوتی ھەرێم و پرسە ناوچەییەکان تاوتوێ بکرێت.
پێشتریش لە 20ی حوزەیران سەرۆک وەزیران مەسرور بارزانی بە سەردانێکی فەرمی گەیشتە ئەنقەرە و لەگەڵ سەرۆککۆمار ڕەجەب تەیب ئەردۆغان و وەزیری دەرەوەی ھاکان فیدان کۆبووەوە.
