بەڵگە: وەزیرێكی پارتی فەرمان بۆ تاپۆكردنی سەرجەم خانووە زیادەڕۆكان دەردەكات جگە لە كەركوك
لۆگۆی پارتی دیموکراتی کوردستان
SNN-عەلی حەمە سەعید
وەزیری ئاوەدانكردنەوە نیشتەجێبوون و شارەوانی لە حكومەتی عێراق كە لەسەر پشكی پارتی ئەو پۆستەی وەرگرتووە، فەرمانی ئاراستەی سەرجەم پارێزگاكانی عێراق كردووە بە تاپۆكردنی خانووە زیادەڕەوەكان جگە لە پارێزگای كەركوك.
بەگوێرەی نوسراوێكی وەزارەتی ئاوەدانكردنەوە و نیشتەجێكردن و شارەوانی عێراق كە وێنەیەكی لای SNNەو واژووی (بەنگین ڕێكانی) وەزیری ئاوەنكردنەوە و نیشتەجیكردنی حكومەتی عێراقی لەسەرە و ئاراستەی هەموو پارێزگاكانی عێراق كردووە بە مەبەستی تاپۆكردنی زەوییە زیادەڕەوەكان جگە لە كەركوك.
لە بەشێكی نوسراوەكەدا ئاماژەی بەوەشكراوە، بە پێی بڕگەی 7 ی كارنامەی ژمارە 20 ی ئەمساڵ كە لە پەرلەمانی عێراق پەسەندی كردووە بڕیارەكە لە 27 ی ئەم مانگەوە دەچێتە بواری جێبەجێكردنەوە.
ئەوەش لەكاتێكدایە كە هەزاران هاووڵاتی كورد كە لەسەر دەمی ( ڕاكان جبوری) پارێزگاری سەپێندراوی كەركوك لەسەر زەوییەكانی خۆیان یەكەی نیشتەجیبوونیان دروستكردووە، بێبەش بوون لە تاپۆكردنی خانووەكانیان.
