ئەحمەد شەرع: ژێردەستەیی قبوڵ ناکەین

SNN-

سەرۆکی کاتیی سووریا ئەمڕۆ لە کۆڕبەندی دیالۆگی نیشتمانی رایگەیاند هۆشداری بە هەموو ئەوانە دەدەن، کە یەکگرتوویی سووریا دەخەنە مەترسییەوە، “ژێردەستەیی قبوڵ ناکەین .”

ئەحمەد شەرع، سەرۆکی کاتیی سووریا لە چوارچێوەی کۆڕبەندی دیالۆگی نیشتمانی کە ئەمڕۆ لە دیمەشق بەڕێوەدەچێت، رایگەیاند، “پێویستە هەست بە ئازار و نەهامەتییەکانی سووریاییەکان بکرێت و پێویستە هۆکارەکانی هەستانەوەی سووریا رەچاو بکرێن.”

ئاماژەی بەوەشکرد، رووبەروی مەترسییەکان دەبینەوە کە بەرامبەر پێکهاتە جیاوەزەکان دەکرێت چونکە، “سووریا قوتابخانەیەکە بۆ پێکەوەژیان پێویستە هەموو دنیا لێوەی فێرببن”.

سەرۆکی کاتیی سووریا جەخت دەکاتەوە لەوەی ئەوان، ژێردەستەیی قبووڵ ناکەن و “سووریاییەکان خۆیان وڵاتەکەیان رزگار کرد، پێویستە رێز لە هەموو ئەو قوربانییانە بگیرێت کە گەلی سووریا داویەتی.

كۆنفرانسی دیالۆگی نیشتمانی سوریا بە بەشداری 600 كەس لە كۆشكی گەلی كۆمارییەكان لە دیمەشق دەستیپێکرد، كە حاكمە ئیسلامییەكانی سوریا بە قۆناغێكی گرنگی وڵاتەكە ناوی دەبەن، لەكاتێكدا كۆنگرەكە بەبێ كورد و پێكهاتەكان بەڕێودەچێت كە نوێنەرایەتی 50%ی سورییەكان دەكەن.