وەزارەتی دەرەوەی عێراق پێشوازی لە پەیامەکەی ئۆجەلان دەکات

SNN

وەزارەتی دەرەوەی عێراق لە راگەیەنراوێکدا پێشوازی لە پەیامەکەی عەبدوڵڵا ئۆجەلان دەکات، بە هەنگاوێکی گرنگ بۆ بەرزکردنەوەی ئاسایش لە ناوچەکە باسی دەکات.

ئەمڕۆ هەینی 28ی شوبات، وەزارەتی دەرەوەی عێراق، لە بەیاننامەیەکدا رایگەیاند، پێشوازی لە پەیامەکەی عەبدوڵا ئۆجەلان دەکەن بەتایبەت کاتێک داوای چەکدانان لە پەکەکە دەکات، چونکە ئەوە بە هەنگاوێکی گرنگ و ئەرێنی دەزانن پەیوەست بە سەقامگیری ناوچەکە.

هاوکات، وەزارەتەکە، دەستپێشخەرییەکەی ئۆجەلان بە گرنگ دەزانێت بۆ بەرزکردنەوەی ئاسایش، نەک تەنها لە عێراق، بەڵکو بۆ تەواوی ناوچەکە.

ئاماژە بەوەدەکات، چارەسەری سیاسی و دیالۆگ باشترین رێگەیە بۆ چارەسەرکردنی ناکۆکییەکان و کۆتایهێنان بە ململانێکان، بەشێوەیەک کە خزمەت بە بەرژەوەندییەکانی هەمو لایەنەکان بکات و پێکەوەژیانی ئاشتییانە بەرەو پێشببات.

وەزارەتی دەرەوەی عێراق، پشتیوانی خۆی بۆ هەموو هەوڵەکان بە ئامانجی چارەسەرکردنی کێشەکان لەرێگەی گفتوگۆوە دوپاتکردوەتەوە و هیواخوازە ئەو بانگەوازە بکرێت بە هەنگاوێکی کردەیی و خێرا بۆئەوەی حزبەکان چەکەکانیان دابنێن.