“هیچ رێکەوتنێک نییە بۆ ئەوەی هەناردەی نەوت دەستپێبکاتەوە”
SNN
وەزارەتی نەوتی عیراق داوای كۆبونەوە لە ئەپیكۆر و سامانە سروشتیەكانی هەرێم دەكات
وەزارەتی نەوتی عیراق داوا لە كۆمپانیا بیانی و وەزارەتی سامانە سروشتیەكان دەكات لەم هەفتەیەدا ،كۆبونەوەیەك ئەنجام بدرێت بۆ تاوتوێ كردنی كێشە هەڵپەسێردراوەكان.
وەزارەتی نەوتی عیراق لە راگەیەنراوێكدا داوا لە كۆمپانیا نەوتیەكان لە هەرێمی كوردستان لە ژێر چەتری كۆمەڵەی پیشەسازی باكوری نەوتی كوردستان (ئەپیكۆر) و وەزارەتی نەوتی عیراق، رۆژی سێشەممە لە بەغدا كۆبونەوەیەك ئەنجام بدرێت بۆ گفتوگۆكردن و تاوتوێ كردنی كێشە هەڵپەسێردراوەكانی تایبەت بە گرێبەستەكان، بە ئامانجی گەیشتن بە لێكتێگەیشنتێك بۆ پەرەپێدانی كێڵگە نەوتیەكان بە باشترین شێوە كە خزمەت بە بەژەوەندی نیشتیمان بكات.
ئەوەش لەكاتێكدایە، حەیان عەبدولغەنی وەزیری نەوتی عیراق لە راگەیەنراوێكدا ئاماژەی بەوەكرد، لە چەند سەعاتی داهاتوودا بە رەسمی عیراق هەناردەكردنەوەی نەوتی هەرێمی كوردستان لە رێگەی كۆمپانیای سۆمۆوە رادەگەیەنێت. دواتر ئەپیكۆر رایگەیاند، هیچ رێككەوتنێكیان نییە بۆ ئەوەی هەناردەی نەوت دەستپێبكاتەوە.
