لە هەولێر گەنجێک کوژرا

SNN

شەوی ڕابردو لە گوندی گردی ماوانی ناحیەی دارەشەکران له‌ قه‌زای پیرمام ته‌رمی گه‌نجێك به‌كوژراوی له‌ ماڵه‌كه‌ی خۆی دۆزرایه‌وه‌.

به‌وته‌ی سه‌رچاوه‌یه‌كی ئاگادار، گه‌نجێك به‌ناوی کاروان محەمەد عەبدوڵا لەماڵەکەی خۆیدا گردی ماوانی ناحیەی دارەشەکران بەدەسترێژی گولـلە کوژراوە، له‌ئێستادا ته‌رمی ئه‌و گه‌نجه‌ ره‌وانه‌ی پزیشكی دادوه‌ری كراوه‌ و ئاسه‌واری گوللـه‌ به‌جه‌سته‌یه‌وه‌ دیاره‌، هێزه‌ ئه‌منیه‌كانیش لێكۆڵینه‌وه‌یان له‌وباره‌یه‌وه‌ ده‌ستپێكردوه‌ و تا ئێستا تۆمه‌تباری سه‌ره‌كی ئه‌و روداوه‌ ده‌ستگیرنه‌كراوه‌.

سه‌رچاوه‌كه‌ باسی له‌وه‌شكرد، ئەو گه‌نجه‌ خێزاندار بووە و ئەندامی هێزێکی ئەمنیه‌، تا ئێستاش هۆكاری رووداوه‌كه‌ نه‌زانراوه‌.

وێنەی گەنجە کوژراوەکە