هەرێم و بەغدا گەیشتوونەتە کۆتایی رێککەوتنەکان و مووچە دەنێردرێت

SNN

سەرچاوەیەک لە کۆبوونەوەکانی هەرێم و بەغدا ئاماژەی بەوەکرد، کە کۆبوونەوەکانی نێوان هەرێم و بەغدا گەیشتووتە خاڵی کۆتایی و بەغدا مووچە دەنێرێت.

سەرچاوەکە ئاماژەی بەوەشکرد، رێککەوتنی ئەمجارەی نێوان هەرێم و بەغدا رێکەوتنی کۆتاییە و رەشنوسێک لە نێوان هەردوولا لەسەر مووچە و نەوت و داهاتەکانی هەرێم دێتە کایەوە کە چیتر کێشە بۆ مووچەی فەرمانبەرانی هەرێم دروستنەبێت.

روونیشی دەکاتەوە، بەغدا بەم نزیکانە دەستدەکاتەوە بە هەناردەی نەوتی هەرێم، لە بەرامبەردا دەبێت هەرێمی کوردستان داهاتەکانی خۆی رادەستی ناوەند بکات و لەگەڵ ئەوەشدا مووچەی سەرجەم فەرمانبەرانی هەرێم دەبێت تەوتین بکرێت.

دەشڵێت، لەگەڵ واژووکردن لەسەر ئەو سێ رەشنووسەی سەرەوە، سێشەممەی ئەم هەفتەیە سودانی بڕیار لەسەر ناردنی، مووچەی فەرمانی هەرێم دەدات و لەگەڵیشدا مووچەی مانگی شەش.