لەتیف نێرەویی: ئەمڕۆ بۆ یەکێتی و سلێمانی رۆژێکی مێژووییە کوردستان

SNN-

لێپرسراوی بۆردی راگەیاندنی یەکێتیی نیشتمانیی کوردستان رایدەگەیەنێت، ئەمڕۆ رۆژێکی مێژوویی و دڵخۆشەرە کە لەسنووری پایتەختەکەی مەلیکی کورستان بەڵێنی کۆتایی هێنان بەزمانی چەک لە پێناو جێبەجێکردنی پرۆسەی ئاشتی دەبێتە راستی و ئیدی ئەم رۆژە گرنگە دەبێتە بەشێک لەمێژووی یەکێتی و پارێزگای سلێمانی و باشووری کوردستان و گەلی کوردستان بەگشتی

لەتیف نێروەیی، لێپرسراوی بۆردی راگەیاندنی یەکێتیی نیشتمانیی کوردستان لە وتارێکدا کە بە ناونیشانی (دواجار ئیرادەی ئاشتی سەردەکەوێت) نووسیویەتی:”ئەمڕۆ لە باشووری کوردستان و بەتایبەتی لە سنوری پارێزگای سلێمانی رووداوێکی گرنگی مێژوویی وسیاسی روودەدات و دوای دەیان ساڵ شەرو خوێن رشتن ،سەرنجام ئیرادەی ئاشتی بەسەر ئیرادەی شەردا سەردەکەوێت . ئەو ئیرادە ئاشتييەی کە 33 ساڵە سەرەرای بەربەست و قۆناغە سەخت و دژوارەکان یەکێتیی نیشتمانیی کوردستان ئاڵا هەڵگرێکی راستەقینەیەتی و دەستبەرداری ئەو ئیرادەیە نەبووە”.

ئاماژەی بەوەشکردووە:”رۆژێکی مێژوویی و بەروومەتە کە یەکەم هەنگاوی کردەیی بۆ جێبەجێکردنی پرۆسەی ئاشتی لە تورکیاو باکووری کوردستان لە پایتەختەکەی شورشی نوێ و بەبەشداری یەکێتی دەهاوێژن”،

دەشڵێت:”رۆژێکی دڵخۆشەرە کە لەسنووری پایتەختەکەی مەلیکی کورستان بەڵێنی کۆتایی هێنان بەزمانی چەک لە پێناو جێبەجێکردنی پرۆسەی ئاشتی دەبێتە راستی و ئیدی ئەم رۆژە گرنگە دەبێتە بەشێک لەمێژووی یەکێتی و پارێزگای سلێمانی و باشووری کوردستان و گەلی کوردستان بەگشتی”.