SNN-
پلەی گەرما گەیشتووەتە 50ی سیلیزی و بە پێی پێشبینییەکانی کەشناسیش لە هەندێک ناوچە بەرزتر دەبێتەوە.
دەستەی گشتی کەشناسی و بوومەلەرزەزانی هەرێمی کوردستان بڵاویکردەوە کە ئەمڕۆ هەینی، ئاسمان ساماڵ دەبێت و هەندێک کاتیش پەڵە هەوری لەگەڵدا دەبێت.
ڕوونیشیکردەوە، بەرزترین پلەی گەرمای ئەمڕۆ لە گەرمیان تۆماردەکرێت کە دەگاتە 51ی سیلیزی و دوای ئەویش کەرکووک دێت کە 50 پلە دەبێت.
سەبارەت بە سبەینێ شەممەش، کەشناسی رایگەیاند، ئاسمان ساماڵ دەبێت و هەندێک کات پەڵە هەوری لەگەڵدا دەبێت.
ئەوەشی خستەڕوو، سبەینێ گەرما 1-2 پلە بەراورد لەگەڵ تۆمارکراوەکانی ئەمڕۆ دادەبەزێت.
