پەیامی وەزارەتی سامانە سروشتییەکان بۆ وەزارەتی نەوتی عێراق
SNN-
شاندێك لە بەغداوە سەردانی هەولێر دەكات، و شاندەكە ئەو لیژنەیەیە كە هەڵسانگاندن بۆ بیرە نەوتەكان دەكات و قەبارەی هەناردەكردنەوە دیاری دەكات.
هاوکات بڕیارە ئەمڕۆ لیژنەی هاوبەشی نێوان هەولێر و بەغدا راپۆرتی خۆیان لەبارەی هەناردەكردنەوەی نەوتی كوردستان ئامادەبکەن، دواتر لیژنەكە راپۆرتەکە ئاراستەی سەرووی خۆیانی بکەن.
هەروەها جگە لە راپۆرتی نەوت، لیژنەیەك بۆ بابەتەكانی پشكی بەغدا لە داهاتی نانەوتی و بە بانكیكردنی مووچەی فەرمانبەران و هەناردەكردنەوەی نەوتی كوردستان و نەمانی پشكی هەرێمی كوردستان لە بودجە راپۆرتیان دەبێت، هەروەها دەبێت لە ماوەی 10 بۆ 15 رۆژ کارەکانیان تەواو بکەن.
لیژنەكانی نێوان هەرێمی كوردستان و بەغدا لە هاوئاهەنگی بەردەوامن، بۆ ئەوەی بە زووترین کات هەناردەکردنەوەی نەوت لە رێگەی کۆمپانیای سۆمۆوە دەستپێبکاتەوە.
