سبەینێ کۆبوونەوەکانی شاندی هەرێمی کوردستان و بەغدا دەستپێدەکەنەوە

SNN-

بڕیارە سبەینێ دوو شاندی هەرێمی کوردستان بچنە بەغدا و سبەینێ کۆبوونەوەکانیان لەبارەی هەناردەکردنەوەی نەوت و رادەستکردنی داهاتی نانەتی دەستپێبکات.

بە گوێرەی زانیارییەکان شاندێکی باڵای هەرێمی کوردستان کە پێکدێت لە وەزارەتی سامانە سروشتییەکان و کۆمپانیا نەوتییە بیانییەکان دەچنە بەغدا و لەگەڵ وەزارەتی نەوتی عێراق کۆدەبنەوە بۆ رێککەوتن لەسەر هەناردەکردنەوەی نەوتی هەرێمی کوردستان.

هەروەها شاندێکی تەکنیکی هەرێمی کوردستانیش کە لە وەزارەتی دارایی و دیوانی چاودێری دارایی هەرێمی کوردستان پێکدێت لەگەڵ وەزارەتی دارایی عێراق و دیوانی چاودێری دارایی عێراق لەبارەی باج و رسوماتەوە کۆدەبنەوە، بۆ ئەوەی پرسی داهاتی نانەوتی چارەسەر بکەن، ئەگەر نەگەیشتنە رێککەوتن، کۆنووسەکەی لیژنە یاساییەکە دەخرێتە بەردەم سودانی و ئەویش دەینێرێتە ئەنجوومەنی شورا و بابەتی داهاتی نانەوتی یەکلایی دەکەنەوە.

.