لە خورماتوو بەهۆی کێشەی کۆمەڵایەتییەوە هاووڵاتییەک کوژرا

SNN

لە خورماتوو کەسێک کە چەکی پێبووە لە بەردەم دوکانێکی ئاڵوگۆڕی دراودا تەقە لە هاووڵاتییەک دەکات و دەیکوژێت.

دوانیوەڕۆی ئەمڕۆ شەممە 4ی تشرینی یەکەم، لە قەزای خورماتوو، چەکدارێک دەسڕێژی گولـلە لە دوکانێکی ئاڵوگۆڕی دراو دەکات، بەوهۆیەوە کەسێک دەکوژرێت و سێ کەسیش بریندار دەبێت.

بەپێی زانیارییەکان، ڕوداوەکە پەیوەندی بە ڕوداوێکی کوشتنەوە هەبوو، لە ڕابردو کەسێک کوژراوە، ئەمڕۆ برای کوژراوەکە ویستویەتی تۆڵە بکاتەوە، بەڵام کەسێکی بێتاوانی لە ڕووداوەکە کوشتوە و ئەو کەسەی مەبەستی بووە بریندارە.

ئەو کەسەی کە کوژراوە ناوی فواد بەیاتییە و هیچ پەیوەندییەکی بە رووداوەکەوە نییە.

لەبارەی رووداوەکەوە، پۆلیسی کەرکوک رایگەیاندووە، تۆمەتبارێکی هەڵهاتوو کەتەقەی کردووە لە خورماتوو، لەگەڕەکی شۆریجە لەلایەن پۆلیسەوە دەستگیرکراوە.

وێنەی فواد بەیاتی ئەو کەسەی بە هەڵە کوژراوە