بڕی هاوكارییەكەی هاوپەیمانان بۆ لیواهاوبەشەكان بەڕێژەیەکی زۆر كەمكرایەوە

عەلی حەمە سەعید – SNN
لەگەڵ ئەوەی لە سەرەتای دابەشکردنی هاوکاری هاوپەیمانان بۆلیواهاوبەشەکان مانگانە 430هەزار دینار بوو، بەڵام مانگ لەدوای مانگ ئەو هاوکارییە کەمکرایەوە مانگی ڕابردوو 183هەزار و ئەم مانگەش 170هەزاردیناریان وەرگرتووە.

بەگوێرەی زانیارییەکانی SNNکە لەبەرپرسێکی وەزارەتی دارایی وەریگرتوون ئەوەخراوەتەڕوو، دوومانگی ڕابردوودا ئەو بڕە پارەیەی وەك هاوكاری دەدرا بە پێشمەرگەو ئەفسەرانی لیواهاوبەشەكان زیاتر لە 180 هەزار دینار بوو، بەڵام بۆ ئەم مانگە ئەو بڕە پارەیە بۆ 170 هەزار دینار كەمكراوەتەوە.

ئاماژەی بەوەشكرد، بڕی هاوکاری کە بۆ هەر پێشمەرگەو ئەفسەرێكی سەر بە لیواهاوبەشەكان بەبێ‌ جیاوازی دابەشدەكرێت بەڵام بۆ ئەم مانگە بڕەكە بۆ170 هەزار دینار كەمكراوەتەوە، ئەوەش بەهۆی ئەوەی ژمارەی ئەو پێشمەرگە و ئەفسەرانەی كە سود مەند دەبن لە هاوكارییەكەی هاوپەیمانان زیادییان كردووە.

ئەو بەرپرسەی وەزارەتی دارایی و ئابوری حكومەتی هەرێم ئەوەشی خستەڕوو، بڕی ئەو پارەیەی كە لەلایەن هێزەكانی هاوپەیمانان تەرخاندەكرێت مانگە بڕی 25 ملیار دینارە، ئەو بڕە پارەیەش گۆنكاری بەسەردا نەهاتووە، بەڵكوو ئەوەی گۆڕانكاری بەسەردا هاتووە زیاد بوونی ژمارەی ئەفەسەر و پێشمەرگانەیە كە چوونەتە ناو لیوا هاوبەشەكان، هاوکات هەر ئەمڕۆش دەستکرا بەدابەشکردنی ئەو هاوکارییە