سودانی: گرفتەکان نابنە بەربەست و لە زوترین کات بڕیاری خەرجکردنی مووچە دەدرێت

SNN

سەرچاوەیەکی باڵا ئاشکرای کرد، پاش کۆتاییهاتنی کۆبونەوەی ئەنجومەنی وەزیران، کۆبونەوەیەکی تایبەت لە نێوان خالید شوانی، فوئاد حوسێن، بەنگین رێکانی و محەمەد شیاع سودانی، سەرۆک وەزیرانی عێراق، سەبارەت بە پرسی موچەی هەرێمی کوردستان بەڕێوەچوو.

بەڵێنی سەرۆک وەزیران

بەپێی زانیارییەکان، محەمەد شیاع سودانی لە کۆبونەوەکەدا رایگەیاندووە: “راستە گرفت لە میکانیزمی داهاتی نانەوتیدا هەیە، بەڵام ئەم گرفتانە نابنە بەربەست لەبەردەم ناردنی موچە.”

کاتی خەرجکردنی موچە

هەمان سەرچاوە ئاماژەی بەوەشکرد، سەرۆک وەزیرانی عێراق جەختی کردووەتەوە کە “لە زوترین کاتدا” بڕیاری خەرجکردنی موچەی هەرێمی کوردستان دەدرێت، و پێشبینی دەکرێت بڕیارەکە لە کۆتایی ئەم هەفتەیە یان سەرەتای هەفتەی داهاتوودا بێت.