هەسەدە دەبێتە بەشێک لە سوپای سوریا

SNN

هەسەدە دەبێتە بەشێک لە سوپای سوریا و لیژنەیەکی سەربازیی بەم زووانە سەردانی دیمەشق دەکات بۆ گفتوگۆکردن لەسەر یەکخستنی هێزەکان.

مەزڵوم عەبدی، فەرماندەی هێزەکانی سوریای دیموکرات ( هەسەدە ) لەپەیامێکدا دەڵێت،” لە 10هەمین ساڵیادی دامەزراندنی هێزەکانمان، بە رێزەوە یادی قوربانیانی شەهیدەکانمان دەکەینەوە و پاڵپشتی گەلەکەمان بەرز ڕادەگرین، کە لە یەک دەیەی رابردودا هاوخەباتمان بون “.

مەزڵوم عەبدی ئەوەشیخستەڕوو،” پابەندیمان بە پارێزگاریکردن لە گەل و خاکەکمان نوێ دەکەینەوە، بەجۆرێک کە بنەماکانی دادپەروەری و فرەیی تێدا چەسپێنراو بێت، ئەوەش وەک وەڵامدانەوەی بۆ خواستی سەرجەم سوریاییەکان لەپێناو سوریایەکی یەکگرتوو و ئازاد و فرەیی “.

هاوکات، هەر بەوبۆنەیەوە ئیدارەی خۆبەڕێوەبەری پەیامێکی بڵاوکردەوە و باسی لەوەکرد،” کاتی ئەوە هاتوە هەسەدە وەک هێزێکی نەتەوەیی کە پارێزەرەی یەکڕیزییە و گوزارشت لە هیواکانی دیموکراسی و دادپەروەری دەکات، جێگەی ڕەوا و شایستەی خۆی لە سوپای نوێی سوریادا بگرێت.”