دیاریكردنی وادەی یارییه‌كانی هه‌ڵبژارده‌ی عێراق له پاڵاوتنه‌كانی ئاسیا و مۆندیالی 2022
هەڵبژاردەی عیراق
SNN Sport- حسین کەرکوکی
یه‌كێتی تۆپی پێی ئاسیا واده‌ی ده‌ستپێكردنه‌وه‌ی چوار گه‌ڕی ماوه له پاڵاوتنه هاوبەشەکانی ئاسیا بۆ گەیشتن بە كۆتاییه‌كانی جامی جیهانی 2022 و جامی ئاسیا2023 دیاری کرد، كه وا بریار بوو له ئازارو حوزەیرانی رابردوودا به‌رێوه‌چن ، به‌ڵام دواخران به هۆی ئه‌و دۆخه ته‌ندروستییه كه ئێستا جیهان تیایدا تێپه‌ڕده‌بێت به هۆی بڵاو بوونه‌وه‌ی ڤایرۆسی كورۆنا.
به پێی واده نوێیه‌كه ، یه‌كه‌م یاری هه‌ڵبژارده‌ی عێراق له به‌رامبه‌ر هۆنگ كونگ له تشرینی یه‌كه‌می 2020 له هۆنگ كونگ ده‌بێت و له 12 تشرینی دووه‌م رووبه‌ڕووی كه‌مبۆدیا ده‌بێته‌وه له عێراق و دوایین یارییه‌كانی له پاڵاوتنه‌كان له به‌رامبه‌ر ئێران ده‌بێت لە رۆژی 17 تشرینی دووه‌م له ئێران ده‌بێت.
به پێی یاسای پاڵاوتنه‌كان دیاریكردنی یاریگا میوانداره‌كانی یارییه‌كان پێش 2 مانگ پێش هه‌ر یارییه‌ك ده‌بێت .
عێراق لە رکابەرییەکانی گروپی سێیەم 5 یاری ئەنجامداوەو 11 خاڵی هەیەو لە پلەی یەکەم دەبینرێت، لەپلەی دووەم هەڵبژاردەی بەحرەین دێت و 9خاڵی هەیە.
