پلەکانی گەرما بۆ ژێر سفر دادەبەزێت

SNN-

کەشناسی هەرێمی کوردستان ڕایگەیاند بارستە هەوایەکی وشک و سارد ڕووی لە ناوچەکەمان کردووە و تا یەکشەممەی داهاتوو پلەی گەرما لە هەندێک ناوچە بۆ ژێر سفر دادەبەزێت.

تاوەکو یەکشەممەی داهاتوو سارد دەبێت

لە ڕاگەیەندراوێکدا بەڕێوەبەرایەتی گشتی کەشناسی و بوومەلەرزەزانی هەرێمی کوردستان بڵاویکردووەتەوە کە  کاریگەریی بەرزە پەستانی هەوای ڕووسیا کە بارستە هەوایەکی وشک و شاردی لەگەڵ دەبێت، تاوەکو یەکشەممەی داهاتوو پلەی گەرما بەشێوەیەکی بەرچاو نزم دەبێتەوە.

پلەی گەرما دەگاتە پێنج پلەی ژێر سفر

دەشڵێت کە لە سەنتەری شارەکانی وەک سلێمانی و سۆران پلەی گەرما بۆ ژێر سفر دادەبەزێت و لە ناوچە شاخاوییەکانیش دەگاتە پێنج پلەی ژێر سفر.