لیژنەی فریاگوزاریی چەمچەماڵ: ڕۆژی دووشەممە قەرەبووی زیانلێکەوتووان دەکرێتەوە
SNN-
کۆمیسیۆنی فریاگوزاری و بووژانەوەی چەمچەماڵ، لە کۆنفرانسێکی ڕۆژنامەوانیدا، میکانیزمی دابەشکردنی هاوکارییەکان بەسەر زیانلێکەوتووانی کارەساتەکەی چەمچەماڵدا ئاشکرا کرد و ڕایگەیاند کە لە ڕۆژی دووشەممەوە دەست بە قەرەبووکردنەوەی هاوڵاتیان دەکرێت.
میکانیزمی دابەشکردنی هاوکارییەکان
ئەحمەد ئەنوەر، کە وەک سەرۆکی لیژنەی دابەشکردنی هاوکارییەکان دیاریکراوە، ڕایگەیاند: “ڕۆژانی دووشەممە و سێشەممە قەرەبووی ئەو خێزانانە دەکرێتەوە کە ماڵەکانیان زیانیان بەرکەوتووە.” ناوبراو ئاماژەی بەوەشکرد کە پڕۆسەکە بە سێ هەنگاو بەڕێوەدەچێت و هیوای خواست ئەو پارەیەی کۆکراوەتەوە بتوانێت ئەرکی سەرشانی زیانلێکەوتووان کەم بکاتەوە.
لە بەشێکی دیکەی قسەکانیدا، ئەحمەد ئەنوەر ئاشکرایکرد کە “بەڕێز قوباد تاڵەبانی بڕیاریداوە ئەوانەی لە ڕووداوەکەدا گیانیان لەدەستداوە، یەکەی نیشتەجێبوونیان بۆ دابینبکرێت.” هەروەها جەختی کردەوە کە ئەو ژمارە حیسابە بانکییەی بۆ کۆکردنەوەی هاوکاری دانراوە، دانەخرێت.
هاوکارییەکانی حکومەتی فیدراڵ و شەفافیەت
لەلایەن خۆیەوە، عەتا محەممەد، ئەندامی لیژنەکە، ڕایگەیاند: “هاوکارییەکانی عێراق هێشتا نەگەیشتوونەتە دەستمان و چەند ڕێکارێک ماون تەواو بکرێن.”
ناوبراو دڵنیایی دایە هاوڵاتیان و وتی: “سەرجەم ڕێکارەکانی دابەشکردنی هاوکارییەکان بە وردبینی و بە چاودێریی لایەنە پەیوەندیدارەکان ئەنجام دەدرێن.
