دۆخی ئابووری 12 ملیۆن هاووڵاتی ئێران لە مەترسیدایە

SNN

توێژینەوەیەکی نوێ دەریدەدات کە هاووڵاتیانی ئێران لە ماوەی دووساڵی رابردوودا دۆخی هەژاریان زۆر زیای کردووە، بەتایبەت چەندین هەزار خێزان کە لەژێر دۆخی هەژارییەوە دەژین.

دەستەی توێژینەوەو گەڕانی پەرلەمانی ئێران گەیشتۆتە ئەو ئەنجامەی کە هەر خێزانێکی ئێران گەر لە 4 کەس پێکهاتبن ناتوانن نیوەی ئەو پارەیەش پەیدا بکەن کە دووساڵ پێش ئێستا دەستیاندەکەوت، بەمەش 12 ملیۆن ئێرانی دەکەونە ژێر هێڵی هەژارییەوە.

لەگەڵ ئەوەشدا توێژینەوەکە جەخت لە گرانی پێداویستییەکانی رۆژانەی هاووڵاتیان دەکات لەگەڵ گرانی کرێی خانووی نیشتەجێبوون، گەر بەرێژەیەکی ناوەندی وەریبگرین 200 دۆلاری ئەمریکییە، کە ئەمە رێژەیەکی زۆر بەرزە، چونکە بەشێکی زۆر لە فەرمانبەرانی ئێران مووچەکانیان لەنێوان 150 بۆ 200 دۆلاری ئەمریکیدایە بۆ تەنیا مانگێک.