“هاوکارمانبن با نەخۆشخانەکان پڕ نەبن لە تووشبوانی کۆرۆنا”

SNN

وتەبێژی بەڕێوەبەرایەتی گشتی تەندروستی سلێمانی هۆشداری دایە هاووڵاتیان ئەگەر هاوكاریان نەبن نەخۆشخانەكان پڕدەبنەوە بە تووشبووانی كۆرۆنا.

یاد نەقشبەندی، وتەبێژی بەڕێوەبەرایەتی گشتی تەندروستی سلێمانی رایگەیاند “تكا لە هاووڵاتیان دەكەین هاوكارمانبن، تا نەخۆشخانەكان پڕنەبن لە تووشبووانی كۆرۆنا”.

ئاماژەی بەوەشكردووە “ئێمە دڵنیاین لە دڵسۆزی و لە ئاست بەرزی هۆشیاری تەندروستی هاووڵاتیان”، پێشتر تەندروستی سلێمانی رایگەیاند، نەخۆشخانەی جمهوری تایبەت كراوە بە تووشبووانی كۆرۆنا بەهۆی زۆری حاڵەتەكانی تووشبوون.

ئەوەش لە كاتێكدایە هەر ئەمڕۆ وەزارەتی تەندروستی حكومەتی هەرێمی كوردستان 66 تووشبووی کۆرۆنای لە پارێزگای سلێمانی راگەیاند کە 60 کەسیان دانیشتووی ناوشاری سلێمانین.