تۆپبارانی ئەم بەیانییەی چەکدارانی ئەحمەد شەرع 60 کەسی کردە قوربانی
تانکێکی میلیشیاکانی ئەحەمد شەرع
SNN
پەلاماری میلیشیاکانی سەر بە ئەحمەد شەرع بۆ سەر گەڕەکە کوردنشینەکانی حەلەب پێی نایە ڕۆژی سێیەمەوە، تا ئێستا زیاتر لە 60 کەس بوونەتە قوربانی.
ئەمڕۆ پێنجشەممە، میلیشیاکانی سەر بە ئەحمەد شەرع بە چڕی دەستیان بە تۆپبارانکردنی گەڕەکە کوردنشینەکانی شێخ مەقسود، ئەشرەفییە و بەنی زیەد کردەوە کە لە دوێنێوە بە تەواوی گەمارۆ دراون.
پەلامارەکان لە لایەن میلیشیاکانی “عەمشات، حەمزات، فیرقەی سوڵتان موراد و بزووتنەوەی نورەدین زەنکییەوە ئەنجام دەدرێن کە تورکیا پشتیوانییان دەکات.
ماوەی سێ ڕۆژە گەڕەکە کوردنشینەکانی حەلەب ڕووبەڕووی تۆپبارانی میلشیاکان بووەتەوە و تا ئێستا حەوت هاووڵاتی گیانیان لەدەستداوە و 56 کەسی دیکەش برینداربوون.
