بانکی ناوەندی نرخی دۆلاری دابەزاند

SNN-

بانکی ناوەندی عێراق بە نووسراوی فەرمی وەزارەتی دارایی ئاگادار کردەوە کە نرخی دۆلار لە بودجەی 2026دا بە 1300 دینار دینار دیاری دەکرێت.

ئەمڕۆ پێنجشەممە، ئاژانسی هەواڵی عێراقییە نووسراوێکی فەرمی بانکی ناوەندی بڵاوکردەوە کە دەربارەی نرخی دۆلار ئاڕاستەی وەزارەتی دارایی کردووە.

لە نووسراوەکەدا هاتووە کە لە بودجەی 2026دا نرخی یەک دۆلار بە 1300 دینار هەژمار دەکرێت، ئەمەش لە کاتێکدایە کە پێشتر بانکی ناوەندی نرخی یەک دۆلاری بە 1320 دینار دەخستە بازاڕەوە.

نزیکەی هەفتەیەکە نرخی دۆلار لە بازاڕەکاندا بەشێوەیەکی بەرچاو بەرزبووەتەوە و ئەمڕۆش 100 دۆلار بە 147 هەزار دینارەوە مامەڵەی پێوە دەکرێت.