پەیوەندییەکی تەلەفۆنی نێوان ئەحمەد شەرع و مەزڵوم عەبدی بەبێ رێککەوتن کۆتایی هات

SNN

رۆژنامەی “شەرق ئەلئەوسەت” لە سەرچاوە تایبەتەکانەوە لە دیمەشق زانیویەتی ئەمڕۆ یەکشەممە پەیوەندییەکی ڤیدیۆیی لە نێوان ئەحمەد شەرع سەرۆک کۆماری سوریا و مەزلوم عەبدی فەرماندەی “هێزەکانی سوریای دیموکرات “هەسەدە” ئەنجامدراوە، ئەحمەد شەرع لە پەیوەندییەکەدا داوای هەڵوەشاندنەوەی فەرمیی “هەسەدە” و یەکخستنی لەگەڵ سوپای سوریادا کردووە، بەڵام عەبدی ئەو پێشنیازەی ڕەتکردەوە.

لەبەرامبەردا مەزڵوم عەبدی پێشنیازێکی بۆ شەرع کردووە کە بریتی بووە لە بڕیارێک بۆ وەستاندنی شەڕ و کشانەوەی هێزەکانی “هەسەدە” لە تەواوی ناوچەی ڕەقە و دێرزور، لە بەرامبەر گەڕانەوە بۆ دانوستانەکان لەسەر دامەزراندنی ئیدارەیەکی سیاسی لامەرکەزی لە ناوچەکانی (کۆبانی) حەسەکە، دەرباسیە، عامودە و ڕومایلان، بەڵام، ئەو پێشنیازەی عەبدیش لەلایەن شەرعەوە رەتکراوە.

بەڵام هەر ئێوارەی ئەمڕۆ یەکشەممە، پەیامی نوێ لە ئەحمەد شەرعەوە لەبارەی راگەیاندنی ئاگربەست لەسوریا راگەیەندرا کە بریتیبوو لەم خاڵامەی خوارەوە”
1-بنەمای رێککەوتنمان لەگەڵ مەزڵوم عەبدی ئاگربەستە و دەبێ دامەزراوەکانی دەوڵەت بچنە سەرجەم پارێزگاکانی سووریا.
2-کۆبوونەوەکەم لەگەڵ مەزڵوم عە٤بدی بەهۆی خراپی کەشوهەواوە نەکرا.
3- ئاگربەست و راگرتنی شەڕ ڕادەگەیەنین.
4-هەموو دۆسیە هەڵپەسێردراوەکان لەگەڵ هەسەدە چارەسەر دەکرێت.
5-داوا لە هۆزەکان دەکەین دان بەخۆیاندا بگرن.
6-کۆبوونەوەکەم لەگەڵ مەزڵوم عە٤بدی بەهۆی خراپی کەشوهەواوە نەکرا.
7-دەسەڵاتی دەوڵەت دەبێت بگاتە هەموو پارێزگاکان.
8-دەوڵەتی سوریا یەکگرتووە و دامەزراوەکان دەگەڕێنەوە هەموو سوریا.
9-دامودەزگاکانى دەوڵەت دەچنە پارێزگاکانى ڕەققە و حەسەکە و دێرەزوور.