رۆیتەرز: دەبێت ئەمڕۆ پلانی کۆتاییهێنان بە شەڕ پەسەند بکرێت و جەنگەکە رابوەستێت

SNN-

هەوڵێکی نێودەوڵەتی بۆ کۆتاییهێنان بە شەڕ لە ناوچەکە دەستیپێکردووە و چەند بڕیارێکی چارەنووسساز لە ڕێگایە

سەرچاوەیەکی ئاگادار بە ئاژانسی (ڕۆیتەرز)ی ڕاگەیاندووە، بڕیارە هەر ئەمڕۆ ڕەزامەندی لەسەر پلانێکی گشتگیر بۆ کۆتاییهێنان بە کارە شەڕەنگێزییەکان لە ڕۆژهەڵاتی ناوەڕاست بدرێت.

بەپێی زانیارییەکان، پلانی ڕێککەوتنەکە چەند خاڵێکی هەستیار لەخۆدەگرێت، لەوانە:

ڕاگەیاندنی ئاگربەستی دەستبەجێ و کردنەوەی گەرووی هورمز.

ئێران دەستبەرداری چەکی ئەتۆمی دەبێت و لە بەرامبەردا سزاکانی سەری هەڵدەگیرێن.

ئاماژە بەوەش کراوە، ئەگەر لە ماوەی 15 بۆ 20 ڕۆژی داهاتوودا ڕێککەوتنی کۆتایی واژۆ بکرێت، ناوچەکە دەچێتە قۆناغێکی نوێی ئارامییەوە.

دەشڵێت: فەرماندەی سوپای پاکستان لەگەڵ جەی دی فانس، جێگری سەرۆکی ئەمریکا، ویتکۆف و عراقچی، پەیوەندیی جیاجیای ئەنجامدا.

هاوكات بەرپرسێكی ئێرانیش رایگەیاندووە، تاران پێشنیازەكەی پاکستانی پێگەیشتووە و دیراسەی لەسەر دەکات.