مارکۆ ڕۆبیۆ: “مۆندیال بۆ ئەندامانی سوپای پاسداران قەدەغەیە”
مارکۆ روبیۆ، وەزیری دەرەوەی ئەمریکا
SNN
مارکۆ ڕۆبیۆ، لە میانی دانیشتنێکی گوێگرتن لەبەردەم لیژنەیەکی ئەنجومەنی نوێنەرانی ئەمریکا ڕایگەیاند، واشنتن لارنییە لە هاتنی هەڵبژاردەی تۆپی پێی ئێران و ئەندامانی دەستەی تەکنیکی و کارگێڕی پەیوەندیدار بە بەشدارییە وەرزشییەکە بۆ ویلایەتە یەکگرتوەکان، سەرەڕای گرژییەکانی ئەم دواییەی نێوان هەردو وڵات.
ئاماژەی بەوەشکرد، “ئەوەی ڕێگەی پێنادەین ئەوەیە کە کۆمەڵێک کەس بخەنە ناو شاندەکەیانەوە کە دەزانین پەیوەندییان بە وەرزشەوە نییە و پەیوەندییان بە سوپای پاسدارانی ئێران یان شتی لەو بابەتەوە هەیە، بۆیە لە نزیکەوە چاودێری ئەوە دەەکەین”.
ئەم لێدوانانەی ڕۆبیۆ پێش دەستپێکردنی یارییەکانی مۆندیالی 2026 دێت کە بە هاوبەشی لەلایەن ئەمریکا و کەنەدا و مەکسیکەوە میوانداری دەکرێت، کە بڕیارە هەڵبژاردەی ئێران یارییەکانی لە ئەمریکا ئەنجام بدات، لە کاتێکدا کەمپی مەشق و ڕاهێنانی لە مەکسیک دەبێت لە ماوەی پاڵەوانێتییەکەدا.
