ئێران: لە رۆژی لە دایکبوونی ترەمپ ڕێککەوتن واژو ناکەین

SNN-

ئاژانسی فارسی ئێران رایگەیاند، تاران ئامادە نییە ئەمڕۆ یەکشەممە، هیچ ڕێککەوتنێک لەگەڵ واشنتن واژۆ بکات؛ چونکە ئەمڕۆ هاوکاتە لەگەڵ رۆژی لەدایکبوونی دۆناڵد ترەمپ و ئێران نایەوێت ئەم رووداوە بۆ بانگەشەی میدیایی و دەستکەوتی کەسیی ترەمپ بەکاربهێنرێت.

دۆناڵد ترەمپ، ئەمڕۆ تەمەنی دەبێتە 80 ساڵ، جەختی لەسەر واژۆکردنی ڕێککەوتنەکە لەم بەروارەدا کردووەتەوە، بەڵام تیمی دانوستانکاری ئێران دەڵێن؛ رێگا نادەن ئەم پرسە بکرێتە نمایشێکی سیاسی.

هەروەها سەرچاوە ئێرانییەکان ئاماژەیان بەوە کردووە، ڕێککەوتنەکە هێشتا بە تەواوی نەگەیشتووەتە قۆناخی کۆتایی و داڕشتنەکەی تەواو نەبووە، بۆیە واژۆکردنی لەم کاتەدا مەحاڵە.

پێشتر دۆناڵد ترەمپ رایگەیاندبوو، بڕیارە ئەمڕۆ یەکشەممە، 14ـی حوزەیرانی 2026 رێککەوتنێک واژۆ بکرێت و دەستبەجێ گەرووی هورمز بەڕووی هەموواندا بکرێتەوە