تووشبوویهكى دیكهى كۆرۆنا له سلێمانى گیانیلهدهستدا
بەردەم نەخۆشخانەیەکی کۆرۆنا لەسلێمانی
SNN-ههوراز ئهحمهد
پێش نیوهڕۆى ئهمڕۆ تووشبوویهكى دیكه بههۆى ڤایرۆسى كۆرۆناوه گیانیلهدهستدا، ئهمڕۆ ئهمه دووهم حاڵهتى مردنه له سلێمانى تۆماربكرێت كه بههۆى ڤایرۆسى كۆرۆناوه گیانیانلهدهستداوه.
سهرچاوهیهك له نهخۆشخانهى شههید ئاسۆ تایبهت به تووشبووانى كۆرۆنا به snnى راگهیاند :”دهوربهرى كاتژمێر 12 تووشبوویهكى تهمهنى 45 ساڵ كه چهند ڕۆژێكه له نهخۆشخانهیه و له ژێر چاودێرى وردى پزیشكیدایه به هۆى خراپى بارى تهندروستیهوه گیانى لهدهستدا”.
وتیشى “ئهمڕۆ ئهمه دووهم حاڵهتى مردنه كه بههۆى ڤایرۆسى كۆرۆناوه تۆماربكرێت كه یهكهمیان دانیشتووى قهزاى سهیدسادق بوو ئهمهش دانیشتووى قهزاى دهربهندیخانه و ههردوو قوربانیهكه له ڕهگهزى نێره”.
هاوكات د. یاد نهقشبهندى، وتهبێژى تهندروستى سلێمانى به snnى راگهیاند :زیاتر له 10 تووشبووى كۆرۆنا بارى تهندروستیان ناجێگیره و له ژێر چاودێرى وردى پزیشكیدان و پێویستیان به ئامێرى ههناسهدانى دهستكرده”.
