ئەمڕۆ شاندێکی دیکە دەچێتە بەغدا

SNN-

شاندێکی باڵای حکومەتی هەرێمی کوردستان، بە سەرۆکایەتی ئومێد سەباح، سەرۆکی دیوانی ئەنجومەنی وەزیران، ئەمڕۆ پێنجشەممە سەردانی بەغدا دەکات.

بڕیارە شاندەکە لەگەڵ وەزارەتی دارایی و دیوانی چاودێری دارایی فیدراڵ کۆببێتەوە و گرنگترین بابەتی گفتوگۆکان مووچەی مانگی 6ی فەرمانبەرانی هەرێمی کوردستان بێت.

هەرێم داوای کردووە بە پێی یاسای کارگێڕی دارایی مامەڵەی لەگەڵ بکرێت و لەبەرامبەر دابینکردنی مووچە، تەنها ٥٠٪ی داهاتی ناوخۆ ڕادەستی حکومەتی فیدراڵ بکرێت.

هەروەها گفتوگۆ لەسەر سیستەمی “ئەسیکۆدا” و بەدیجیتاڵکردنی گومرگەکانیش دەکرێت، کە هێشتا یەکێک لە خاڵە سەرەکییەکانی ناکۆکی نێوان هەولێر و بەغدا.