یهكێتى كاراتى عێراق به شێوازى ئۆنلاین كۆدهبێتهوه و چهند بڕیارێك دهردهكات
یاری کاراتی
ئهردهلان محهمهد – SNNsport
سهرهڕاى خراپى بارودۆخى عێراق و كوردستان بههۆى تهشهنهسهندى زیاتری پهتاى كۆرۆنا، بهڵام نهبووه رێگر لهبهردهم یهكێتى كاراتى عێراق و بهشێوازى ئۆنلاین كۆبوونهوهى ئاسایی خۆیان ئهنجامدا و چهند بڕیارێكى گرنگیان دهركرد.
ئهندامێكى كوردی یهكێتى كاراتى عێراق باس لهوه دهكات كه له كۆبوونهوهكهدا چهندین تهوهرى گرنگ باس كراوه و چهند بڕیارێكى گرنگیان بۆ كاراتى عێراق دهركرد بۆ ئهوهى جارێكی تر بگهڕێتهوه سهر ئاسته بهرزهكهى پێشووى.
دیار جهبار ئهندامى یهكێتى كاراتى عێراق رایگهیاند:” راسته بارودۆخى كوردستان و عێراق لهم كاتهدا بههۆى بڵاوبوونهوهى زیاترى پهتاى كۆرۆنا وهك پێویست نیه، بهڵام ئێمه به ئۆنلاین كۆبووینهوه و چهند بڕیارێكى گرنگمان دهركرد كه گرنگترین بڕیارمان ئهنجامدانى پاڵهوانێتییهكى نێودهوڵهتییه لهسهر ئاستى وڵاتانى عهرهب به شێوازى ئۆنلاین بۆ كاتا وه ههموو یاریزانێك له عێراق و دهرهوه دهتوانێت بهشداربێت و له رێگهى ناردنى ڤیدیۆى خۆیانهوه بۆ یهكێتیهكهمان”.
ئهوهشی خستهڕوو:” له كۆتایی پاڵهوانێتیهكهدا كه چهندین ناوبژیوانى پاڵهوانێتیى عێراق سهرپهرشتى پاڵهوانێتیهكه دهكان و له كۆتاییشدا له رێگهى ئهو لیژنهیهى دروستى دهكهین ئهنجامى كۆتاىی بڵاو دهكهینهوه، ههروهها له بهرنامهى یهكێتیهكهماندایه كه لهسهر ئاستى كوردستان و عێراقیش ههمان پاڵهوانێتیى ئهنجام بدهین”.
وتیشی:” سهرهڕاى خراپى بارودۆخى تهندروستى عێراق، بهڵام له ههمان كاتدا له چالاكیهكانمان نهوهستاوین و خولمان بۆ راهێنهرانى كوردستان و عێراق به شێوازى ئۆنلاین كردووەتهوه بۆ ههردوو جۆرى كاتا و كۆمیتە لهسهر ئاستى عهرهب بووه له ئێستاشدا چاوهڕوانى هاتنهوهی بڕوانامهكانیانین”.
بههۆى ئاست بهرزى یاریزانانى كورد له ئێستادا له زۆربهى ئاستهكانى ههڵبژاردهى عێراقدا یاریزانه كوردهكان توانیویانه كۆنترۆڵى ههڵبژاردهكانى عێراق بكهن.
