لیستی مووچەی مانگی حەوت پەسەندكرا و ڕەوانەی بەغدا دەكرێت
مووچەی مانگی 7
عەلی حەمە سەعید-SNN
دوای گەیشتنی پارەی مووچەی مانگی شەش، ئەمڕۆ لیستی مووچەی مانگی حەوتی فەرمانبەرانی هەرێم پەسەندكرا و بڕی مووچەی فەرمانبەران خرایە سەر حسابەكانیان لە سیستەمی كورد پاس، هاوكات بڕیاریشە لە چەند ڕۆژی داهاتوودا لەگەڵ میزان موراجەعەی مانگی شەش لیستەكە ڕەوانەی بەغدا بكرێت.
بەگوێرەی ئەو زانیارییانەی كە لە بەرپرسێكی وەزارەتی دارایی هەرێم بە SNNدراون ئەوەخراوەتەڕوو، سیسستەمی پەیرۆڵ بۆ ئامادەكردن و پەسەندكردنی لیستی مووچەی مانگی چواری فەرمانبەران كاراكراوە و هەر ئەمڕۆش بڕی مووچەی فەرمانبەران بۆ مانگی حەوت لەڕێگەی ئەو سیستەمەوە خراوەتە سەر حسابەكانیان و فەرمانبەران دەتوانن لەڕێگەی ئەپڵیكەیشتنی كورد پاس سەیری بڕی مووچەكانیان بكەن بۆ مانگی حەوت.
ئاماژەی بەوەشكرد، ئەو لیستەی پەسەند كراوە لەگەڵ تەرازووی پێداچوونەوەی مانگی شەش لەلایەن شاندێكی وەزارەتی دارایی هەرێم دەبرێتە بەغدا، بەڵام هێشتا ئەم بابەتە قسەی كۆتایی لەبارەوە نەكراوە ئاخۆ دەبێت 120 ملیار دینار ڕەوانە بكرێت یاخود وەك مانگی شەش بەشێوەی مەقاسە دەبێت.
ئەو بەرپرسەی وەزارەتی دارایی ئەوەشی خستەڕوو، هەوڵدەدرێت لە هەفتەی داهاتوو لیستی مووچە و میزان موراجەعە ڕەوانەی بەغدا بكرێت، بۆ ئەوەی ناردنی پارە وەک مانگی شەش زۆر دوانەکەوێت.
