چاوەڕوانییەکان بۆ دابەزینی نرخی دۆلار؛ عێراق داوای گوژمەیەکی تری دۆلاری لە ئەمریکا کرد

SNN-

حکومەتی عێراق ڕایگەیاند، بانکی ناوەندی عێراق داوایەکی فەرمی پێشکەش بە یەدەگی فیدراڵی ئەمریکا کردووە بۆ ناردنی گوژمەیەکی تری دۆلاری کاش.

حەیدەر عەبودی، وتەبێژی حکومەتی عێراق لە چاوپێکەوتنێکدا لەگەڵ کەناڵی “الجزیرە” ئاشکرای کرد، پرۆسەی ناردنی دۆلاری کاش بۆ عێراق دەستیپێکردووەتەوە و کێشە تەکنیکییەکانی تایبەت بە گواستنەوەی ئاسمانی کە لە ماوەی ڕابردوودا ڕێگر بوون لە گەیشتنی پارەکان، چارەسەر کراون.

بەپێی زانیارییەکانی حکومەت، بە هاتنی ئەم گوژمە نوێیەی دۆلار، پێشبینی دەکرێت هاوسەنگی زیاتر لە بازاڕەکانی دراوی عێراقدا دروست ببێت و کاریگەری ئەرێنی لەسەر سەقامگیری نرخی دۆلار هەبێت.