سەرۆکوەزیرانی عێراق: ڕێگە نادەین ئاسایشی هەرێم و عێراق تێکبدرێت و لێکۆڵینەوەکان دەستپێدەکەن

SNN

عەلی زەیدی، سەرۆکوەزیرانی عێراق، بە توندی سەرکۆنەی ئەو هێرشە درۆنییەی کرد کە ئاسمانی شاری هەولێری لە هەرێمی کوردستانی بەزاند.

زەیدی لە ڕاگەیەندراوێکدا جەختی کردەوە، لەسەر بنەمای بەرپرسیارێتی دەستووری، بە هیچ شێوەیەک چاوپۆشی لەو هەوڵە تاوانکارییانە ناکەن کە بە ئامانجی تێکدانی سەقامگیریی گەل و ڕێڕەوی بنیاتنانی دەوڵەت و ئاشتی کۆمەڵایەتی ئەنجام دەدرێن.

سەرۆکوەزیرانی عێراق ڕایگەیاندووە: “دەزگە و پێکهاتە ئەمنییە پەیوەندیدارەکانمان ڕاسپاردووە بە هەماهەنگی لەگەڵ هێزە ئەمنییەکانی هەرێمی کوردستان، هەموو هەوڵەکانیان بخەنەگەڕ بۆ گرتنەبەری ڕێوشوێنی پێویست بەمەبەستی ڕێگریکردن لە دووبارەبوونەوەی ئەو جۆرە هێرشانە”.

لە کۆتایی ڕاگەیەندراوەکەیدا، عەلی زەیدی جەختیشی کردەوە کە حکومەتی فیدراڵی بە هەموو توانایەکیەوە ڕووبەڕووی ئەو لایەنانە دەبێتەوە کە هەوڵی زیان گەیاندن بە ئاسایشی گەلی عێراق لە هەر شوێنێک دەدەن.