لیستی مووچەی مانگی 7 و ڕاپۆرتی تەرازووی پێداچوونەوە رادەستی وەزارەتی دارایی عێراق کرا

SNN-

ئەمڕۆ چوارشەممە (22-07-2026)، لیستی مووچەی مانگی تەممووزی فەرمانبەران و مووچەخۆرانی هەرێمی کوردستان و ڕاپۆرتی تەرازووی پێداچوونەوەی مانگی حوزەیران، لەلایەن تیمی تەکنیکی وەزارەتی دارایی و ئابووریی هەرێمی کوردستانەوە ڕادەستی فەرمانگەی ژمێریاریی وەزارەتی داراییی حکومەتی فیدراڵ کرا.

لەسەر ڕاسپاردەی وەزیر، ناوی (981) فەرمانبەری گرێبەست کە تەمەنیان لە (60) ساڵ تێپەڕ بووبوو، خرایەوە ناو لیستی مووچە و تا کۆتایی ساڵ لە خزمەتکردن بەردەوام دەبن.

ناردنی ئەم لیستانە لە کاتێکدایە که وەزارەتی دارایی عێراق لە هەوڵدایە بودجەی گشتی بۆ ساڵی داهاتوو لەسەر بنەمای خەمڵاندنی ورد و بەپێی بارودۆخی ناوچەکە و داهاتە نەوتی و نانەوتییەکان ئامادە بکات.