ترەمپ: گەورەترین ئۆپەراسیۆنی ئابوری دژی ئێران رادەگەیەنم
SNN-
سەرۆکی ئەمریکا ڕایگەیاند، واشنتن دەستپێکردنی جەنگێکی ئابووری و سەپاندنی گۆشەگیرییەکی بێپێشینەی بەسەر ئێراندا دەستپێکردووە و ئاماژەی بەوەشکرد، تاران دەرفەتی گەیشتن بە رێککەوتنی لەگەڵ وڵاتەکەی لەدەستداوە.
دۆناڵد ترەمپ لە تۆڕی کۆمەڵایەتی (سۆشیاڵ تروس) نووسیویەتی، دەرفەتێکی گەورەی بەخشیوە بە ئێران بۆ ئەوەی بگەنە رێککەوتن، بەڵام تاران سوودی لەو دەرفەتە وەرنەگرت و ڕایگەیاند: “ئەمڕۆ توندترین ڕێکاری ئابووری لە مێژوودا ڕادەگەیەنم کە تا ئێستا دژی هیچ وڵاتێک نەگیراوەتەبەر.”
سەرۆکی ئەمریکا دەشڵێت: ئەو ڕێکارە نوێیانە بریتیین لە جەنگێکی ئابووری و سەپاندنی گۆشەگیری لەسەر ئاستێک کە پێشتر وێنەی نەبووە، ئاماژەی بەوەشکرد توانا سەربازییەکانی ئێران بەر زەبری گەورە کەوتوون و ئابووریی وڵاتەکەش لە بارودۆخێکی سەختدایە.
هەروەها ترەمپ هۆشداریی توندی دایە ئەو وڵاتانەی هاوکاریی تاران دەکەن و ڕایگەیاند، هەر وڵاتێک ڕێگە بدات دامەزراوە داراییەکانی، کۆمپانیاکانی، فڕۆکەخانەکانی یان لایەنە حکومییەکانی هاوکاریی خزمەتگوزاری بۆ ئێران دابین بکەن، رووبەڕووی لێکەوتەی ئابووریی زۆر قورس دەبنەوە.
