شاخەوان عەبدوڵڵا: بەشێکی زۆری داواکارییەکانی هەرێمی کوردستان لە بودجەدا جێگیرکراوە

SNN-

سەرۆکی فراکسیۆنی پارتی دیموکراتی کوردستان لە پەرلەمانی عێراق ڕایگەیاند، گفتوگۆکانی نێوان هەولێر و بەغدا لەسەر پڕۆژەیاسای بودجەی گشتی بەردەوامن و بەشێکی زۆری داواکارییەکانی هەرێمی کوردستان لە ڕەشنووسەکەدا جێگیر کراون، بەڵام هێشتا ناکۆکی لەسەر دیاریکردنی پشکی ڕاستەقینەی هەرێم ماوە.

پشکی هەرێم لە بودجەی 2027 دا

شاخەوان عەبدوڵا، سەرۆکی فراکسیۆنی پارتی، لە لێدوانێکیدا بۆ ماڵپەڕی فەرمیی پارتەکەی ئاماژەی بەوە دا کە داواکارییەکانی هەرێمی کوردستان لە پڕۆژەیاسای بودجەی گشتیی عێراق بۆ ساڵی 2027 گفتوگۆی زۆر باشیان لەسەر کراوە و زۆربەیان شوێنیان بۆ کراوەتەوە.

بەڵام سەبارەت بەو بەشەی کە هێشتا یەکلایی نەکراوەتەوە، ناوبراو ڕایگەیاند: “ئەوەشی ماوەتەوە دیاریکردنی پشکی ڕاستەقینەی هەرێمی کوردستانە، کە لای ئێمە زۆر گرنگە بەپێی ئەنجامەکانی سەرژمێریی گشتیی عێراق بێت کە بەغدا خۆیان ئەنجامیان داوە، و پێویستە پشکی هەرێم لانی کەم 14.14٪ بێت.”