SNN-
ئەمڕۆ چوارشەممە، ئەنجومەنی وەزیرانی هەرێمی کوردستان کۆبوونەوەی ئاسایی خۆی ئەنجام دەدات و گفتوگۆ لەسەر دوو پرس دەکرێت.
ئەنجامی کۆبوونەوەکانیان لەگەڵ وەزارەتی دارایی عێراق دەخەنەڕوو
بەپێی زانیارییەکان لە کۆبوونەوەکەی ئەمڕۆی ئەنجومەنی وەزیراندا کە بەسەرپەرشتی مەسرور بارزانی، سەرۆکوەزیران بەڕێوەدەچێت، تیایدا شاندی دانوستانکاری هەرێم ئەنجامی کۆبوونەوەکانیان لەگەڵ وەزارەتی دارایی عێراق دەربارەی پشکی هەرێم لە پڕۆژەیاسای بودجەی 2027 دەخەنەڕوو.
تاووتوێی پێشنیازێکی وەزارەتی کاروکاروباری کۆمەڵایەتی دەکرێت
تەوەرێکی تری کۆبوونەوەکەی ئەمڕۆ، بەپێی زانیارییەکان، تاووتوێی پێشنیازێکی وەزارەتی کاروکاروباری کۆمەڵایەتی دەکرێت، کە تایبەتە بە لێخۆشبوونی ڕێژەی سەدا 75 لە سزای دواخستنی پارەی بەشداری مانگانەی دەستەبەری کۆمەڵایەتی بۆ ئەو خاوەن کارانەی کە لەماوەی 90 ڕۆژی کاردا سەرجەم قەرزەکانیان بە یەکجاری دەدەنەوە.
