لەبارەی لێدان ئێران بە بۆمبی ئەتۆمی روونکردنەوە دەدرێت
ترەمپ
SNN
سه‌رۆكی ئه‌مریكا له نوێترین لێدوانیدا رایگه‌یاند، واشنتن به شێوه‌یه‌كی چڕ چاودێریی دامه‌زراوه‌ی ئه‌تۆمیی كێوی ئه‌لفه‌ئس له ئێران ده‌كات و له‌وانه‌یه بۆردومانی بكات، هاوكات له قۆناغی ئێستادا ناردنی هێزی سه‌ربازیی زه‌مینی وڵاته‌كه‌ی بۆ ناو خاكی ئێران به ته‌واوی ڕه‌تكرده‌وه.
ڕونیكرده‌وه، به‌كارهێنانی چه‌كی ئه‌تۆمی دژی ئێران به هیچ شێوه‌یه‌ك له به‌رنامه‌دا نییه و ناچار نین ئه‌و هه‌نگاوه بنێن، هه‌روه‌ها ئاماژه‌ی به بونی هه‌ندێك ڕاپۆرت كرد سه‌باره‌ت به ئه‌گه‌ری به‌كارهێنانی بۆمبی دایكی بۆمبه‌كان كه به چه‌كێكی نائه‌تۆمی به‌هێز داده‌نرێت.
له به‌شێكی دیكه‌ی وته‌كانیدا سه‌رۆكی ئه‌مریكا دوپاتیكرده‌وه، ئامانجی سه‌ره‌كی له به‌رده‌وامیی دانوستانه‌كان له‌گه‌ڵ ده‌سه‌ڵاتدارانی تاران، گه‌یشتنه به چاره‌سه‌رێكی گشتگیر تاوه‌كو گرژییه سه‌ربازییه‌كانی نێوان هه‌ردو وڵات له سه‌رانسه‌ری ناوچه‌كه به شێوه‌یه‌كی دیپلۆماسییانه و هه‌میشه‌یی كۆنترۆڵ بكرێن.
