هاتووچۆی هەرێمی کوردستان: هیچ تابلۆیەک بە ئۆتۆمبێلی بێ سەرەتا و تۆمارنەکراو نادرێت

SNN-

بەڕێوەبەرایەتیی گشتیی هاتووچۆی هەرێمی کوردستان بە فەرمی ڕەتیکردەوە کە بڕیاردابێت تابلۆ بۆ 15 هەزار ئۆتۆمبێلی بێ سەرەتا دابنێت و ڕایگەیاند کە ئەو دەنگۆیانە دوورن لە ڕاستییەوە.

هاتووچۆ دەڵێت: تەنها لایەنی فەرمی بۆ تۆمارکردن و پێدانی تابلۆ بە ئۆتۆمبێل و ماتۆڕسکیل بەڕێوەبەرایەتییەکانی هاتووچۆن لەبەر ڕۆشنایی یاساکاندا.

هاتووچۆ هۆشداریش دەداتە کە هەر ئۆتۆمبیلێک تابلۆی فەرمی هەرێم یان عێراق یان تابلۆی بیانی فەرمی پێ نەدرابێت، بە بێ تابلۆ هەژمار دەکرێت و لە کاتی دەرکەوتنیدا لەلایەن تیمەکانی هاتوچۆوە، ڕووبەڕووی ڕێکاری توندی یاسایی دەبێتەوە.