سەلام عومەر، وتەبێژی نەوت و کانزاکانی سلێمانی بۆ SNN: کاتی دابەشکردنی نەوتی سپی دیار نییە

نرخی بەرمیلێک نەوتی سپی لەبازاڕەکانی هەرێمی کوردستان بە 310 هەزار دینارە و وتەبێژی نەوت و کانزاکانی سلێمانیش دەڵێت: تاوەکو ئیستا هیچمان بەدەست نەگەیشتووە بۆ دابەشکردنی نەوتی سپی بەسەر هاووڵاتییاندا.

کاتی دابەشکردنی نەوت

سەلام عومەر، وتەبێژی نەوت و کانزاکانی سلێمانی بە SNN-ی راگەیاند: تەنها وەک ئێوە لە راگەیەندنەکانەوە بیستومانە کە بەغدا یەک ملیۆن لتر نەوت دەنێرێت بۆ هەرێمی کوردستان، بەڵام ئەو برە زۆر کەمە..

سەبارەت بە ناردنی نەوتی سپی لە لایەن وەزارەتی سامانە سروشتییەکانەوە بۆ سلێمانی و دابەشکردنی بەسەر هاووڵاتییاندا وتیشی: ئێمە بەڕێوەبەرایەتین خۆمان نەوتمان نییە دەبێت وەزارەت بۆمان بنێرێت و ئێمە دابەشیبکەین، بەڵام تاوەکو ئێستا هیچ برە نەوتێکی نەناردووە و جارێ دیاریش نییە کەی نەوتی سپی دابەشدەکرێت.

نرخی بەنزین هەرزان دەبێت

سەبارەت بە هەرزانبوونی نرخی بەنزین لە سلێمانی وتیشی: نرخی بەنزین زیاتر دادەبەزێت، بەڵام ناتوانین بڵێین لە چەنددا جێگری دەبێت.