وەزیری تەندروستی بۆ داواکردنی هاوکاری سەردانی بەغدا دەکات
سامان بهرزنجى، وهزیرى تهندروستیى ههرێم | فۆتۆ: SNN
SNN
ئەمڕۆ سامان بەرزنجی وەزیری تەندروستی هەرێم سەردانی بەغدا دەکات بۆ داواکردنی هاوکاری لە حکومەتی عێراق.
محەمەد قادر وتەبێژی وەزارەتی تەندروستی هەرێم رایگەیاند: ئەمڕۆ وەزیری تەندروستی بە یاوەری بەڕێوەبەرە گشتییەکانی وەزارەت و راوێژکارەکان بەرەو بەغدا بەڕێکەوتووە و لەگەڵ حەسەن تەمیمی وەزیری تەندروستی عێراق کۆدەبێتەوە و داوای هاوکاری ماددی لە عێراق دەکات بۆ رووبەڕووبوونەوەی کۆرۆنا.
راشیگەیاند تاوهكو ئێستا وهزارهتی تهندروستی عێراق سێ ملیار و 500 ملیۆن دیناری بۆ ههرێمی كوردستان ناردوه بۆ پارێزگاكانی ههولێر، سلێمانی و دهۆك، هاوكات 500 ههزار دۆلاری تریش نێردراوه كه به فهرمانی سهرۆكی حكومهت بۆ پارێزگای ههڵهبجه تهرخانكراوه.
