یاریدهدهری راهێنهری ههڵبژاردهی عێراق:چاوهڕێی بریاری شانهی قهیرانی حكومیین بۆ كۆكردنهوهی یاریزانان
کاتانیچ و یاریدەدەری راهێنەری عێراق
حسین کەرکوکی-SNN Sport
رهحیم حهمید یاریدهدهری راهێنهری ههڵبژاردهی تۆپی پێی عێراق دوپاتی كردهوه كە ئیدارهی ههڵبژاردهكه چاوهڕێی بریاری شانهی قهیرانهكانی حكومیین بۆ دهستپێكردن و راهێنانی ههڵبژاردهكه بۆ ئاماده كردن بۆ پاڵاوتنی مۆندیال.
له بهیاننامهیهكی یهكێتی تۆپی پێ حهمید وتی” پاش راگهیاندنی لیستی سهرهتایی ههڵبژاردهی عێراق ، له لایهن كاتانیتچ-هوه كه رۆژی یهكشهممهی داهاتووی دیاری كرد بۆ كۆبوونهوهی یاریزانان و دهستپێكردنی راهێنانهكان بۆ قۆناغی داهاتوو “.
ههروهها وتی ” چاوهرێی رهزامهندی شانهی قهیرانهكانی حكومیین لە سهر رێگاپێدان به گردبوونهوه و دهستپێكردنی راهێنانهكان ، ئهمهش پێویستی به كاته به هۆی ڤایرۆسی كۆرۆناوه و بوونی چهندین تووشبوو له پایتهخت ، بۆیه پهیوندی لهگهڵ سهرجهم یاریزانه بانگهێشتكراوهكان بۆ پێدانی پرۆگرامی تایبهت و راهێنان له دوورهوه له كاتی ئێستادا “.
یاریدهدهری راهێنهری ههڵبژاردهی عێراق روونیكردهوه ” پهیوهندی بهردهوامان دهبێت لهگهڵ سهرجهم یاریزانان پاش تهواوبوونی ئهركه راهێنانهكانیان و له یهكهم كۆبوونهوهی فهرمی تاقیكردنهوهیان بۆ ئهنجام دەدرێت بۆ زانینی لێهاتووی جهستهیان له سهر رۆشنایی ئهو پرۆگرامه كه پێشتر بریاری له سهردرابوو “.
جێ ئاماژه پێكردنە كه دهستهی ئاساییكردنهوه له یهكێتی تۆپی پێی عێراق نووسراوی ئاراستهی حهسهن كهریم سهرۆكی شانهی قهیرانی پهرلهمانی و جێگری یهكهمی سهرۆكی پهرلهمان سهبارهت به رێپێدان به یاریزانانی ههڵبژاردهی عێراق بۆ یەکەم یەکەی مەشقی کردووە ، وناوبراو رهزامهندی خۆی نیشاندا له سهر گرنگی رێپێدان به یاریزانانی ههڵبژاردهكه به گهڕانهوه بۆ راهێنانهكان ، بهڵام دووپاتی كردهوه كه بریاری لهم شێوهیه دهبێت بگیرێته بەر بۆ حكومهتی عێراق له پێناو بهدهستهێنانی رهزامهندی فهرمی”.
