“به‌هۆى مانگرتنى پزیشك و كارمه‌ندانه‌وه زۆربه‌ى خزمه‌تگوزاریه ته‌ندروستیه‌كان وه‌ستاون”
کارمەندێکی تەندروستی
SNN-هه‌وراز ئه‌حمه‌د
جێگرى به‌ڕێوبه‌رى ته‌ندروستى سلێمانى رایدەگەێنێت :”خزمه‌تگوزارى له زۆربه‌ى ناوه‌نده ته‌ندروستیه‌كان وه‌ستاوه ئه‌گه‌ر حكومه‌ت به‌ده‌م ته‌ندروستكارانه‌وه نه‌یه‌ت له ماوه‌ى ئه‌م 48 كاتژمێره‌دا ئه‌وا رووبه‌ڕووى كێشه‌ى گه‌وره ده‌بێنه‌وه”.
عه‌بدوڵا ئه‌حمه‌د-جێگرى به‌ڕێوبه‌رى ته‌ندروستى سلێمانى به snnى راگه‌یاند”پشتیوانى له داخوازى پزیشكان و كارمه‌ندانى مانگرتوو ده‌كه‌ین و مافى ڕه‌واى خۆیانه بایكۆت بكه‌ن، له نه‌خۆشخانه‌كاندا زۆربه‌ى خزمه‌تگوزرایه‌كان وه‌ستاوه ئه‌گه‌ر له‌م84 كاتژمێره‌شدا حكومه‌ت وه‌ڵامى ته‌ندروستكاران نه‌داوته‌وه ئه‌وا ئه‌و شوێنانه‌ش كه زۆر هه‌ستیارن وه‌ك سه‌نته‌ره‌كانى كۆرۆنا و فریاكه‌وتن خزمه‌تگوزارییه‌كى ئه‌و تۆى ته‌ندروستى تێدا نامێنێت”.
هاوكات هاوژین عوسمان، سه‌رۆكى لقى سلێَمانى سه‌ندیكاى كارمه‌ندانى ته‌ندروستى به snnى ڕاگه‌یاند”له زۆربه‌ى قه‌زا و ناحیه‌كانى سنورى پارێزگاى سلێمانى نه‌خۆشخانه‌كان داخراون له ناو ناوه‌ندى شارى سلێمانیشدا جگه له به‌شه هه‌ستیاره‌كان له به‌شه سارده‌كاندا به هۆى مانگرتنى پزیشك و به‌شێك له كارمه‌ندانه‌وه خزمه‌تگوزاریه‌كان وه‌ستاوه و ئه‌گه‌ر له ماوه‌ى 48كاتژمێردا وه‌ڵام نه‌درێنه‌وه ئه‌وا به دڵنیاى هیچ خزمه‌تگوزاریه‌كى ته‌ندروستى له سلێمانى بوونى نابێت”.
