پۆلیسی فەڕەنسا بەهێز رووبەڕووی خۆپیشاندەرانی ناڕازیی دەبێتەوە

SNN-

پاشئەوەی بۆ ئیدانەکردنی رەگەزپەرستیی رژانە سەر شەقامەکان، پۆلیسی فەڕەنسا بۆ بڵاوەپێکردنی هاووڵاتییە ناڕازییەکان غازی فرمێسکڕێژی بەکارهێنا.

ئەمڕۆ شەممە 13ی حوزەیران لەناوەڕاستی شاری پاریس و لەشەقامی کۆماریی ئەو وڵاتە، خۆپیشاندەران دژی رەگەزپەرستیی کۆبوونەوە، بۆ ئیدانەکردنی توندوتیژی هێزە ئەمنییەکان.

ماوەیەکی زۆرە ناڕەزایی و خۆپیشاندان بەشێک لەوڵاتانی گرتۆتەوە پاش گیانلەدەستدانی هاووڵاتییە ئەمریکییە بەڕەگەز ئەفریقییەکە بەناوی جۆرج فڵۆید لەشاری مینیاپۆڵس.

خۆپیشاندەرانی ئەمڕۆی پاریس لەلایەن لایەنگرانکی ئاداما تراوری بانگهێشتکرابوون کە هاووڵاتییەکی رەشپێستی تەمەن 21 ساڵ بوو ساڵی 2016 لەژێر ئەشکەنجەی پۆلیسی فەڕەنسادا گیانی سپارد.

هێزە ئەمنییەکانی فەڕەنسا بەغازی فرمێسکڕێژ وەڵامی ناڕەزایەتیی خەڵکیان دایەوە و ویستیان هەرچی زووە بڵاوەیان پێبکەن و سەرکوتیان بکەن.