رێنماییەکانی کردنەوەی هۆڵهكانی لهشجوانی لە كهركوك
هۆڵەکانی لەشجوانی
حسێن كهركوكی
پاش داخستنیان بۆ ماوهی زیاتر له 3 مانگ بههۆی رێكارهكانی خۆپاراستن له بڵاوبوونهوهی ڤایرۆسی كۆرۆناوه ، شانهی قهیرانهكانی كهركوك بریاریدا به كردنهوهی هۆڵهكانی وهرزشی و لهشجوانی و یاریگاكان ، ئهمهش به پێی ئهو پلانهی كه له لایهن لیژنهی ئۆڵۆمپی عێراقهوه پێشكهش كراوه.
سهبارهت به رێكارهكان و رێنماییه نوێیهكان بۆ كردنهوهی هۆڵهكانی لهشجوانی ، تاریق حهمید سهرۆكی یهكێتی لهشجوانی كهركوك به تۆڕی ههواڵی سلێمانی راگهیاند “پاش ئهوهی بۆ چهندین جار كۆبوونهوهمان لهگهڵ لایهنە بهرپرسهكان و شانهی قهیرانهكان کرد ، بۆ دواجار بریاریاندا به كردنهوهی هۆڵهكان به پێی رێنماییهكان ” .
ههروهها وتی ” رێنماییهكان خۆمان پێشكهشمان كردوون و دیارترین خاڵهكانی : بهكارهێنانی دهستكێش و كهمامه ، پارێزگاریكردن له دووری نێوان وهرزشكاران ، نههێشتنی گردبوونهوه له سهر یهك ئامێر ، ههروهها ههواڵدان به شهفتكردنی هاتنی وهرزشكاران “.
وتیشی ” به ئامانجی توندکردن و جێبهجێكردنی رێنماییهكان، لیژنهیهكی هاوبهش له لایهنه پهیوهندیدارهكان پێكدههێنرێت بۆ چاودێریكردنی هۆڵهكان و رادهی جێبهجێكردنی رێنماییهكان ،سهرپێچیكاران سەرەڕای سزای دارایی رووبهڕووی داخستن دهبنهوه “.
له كۆتاییدا تاریق حهمید ئهوهی خستهروو كه له ئێستادا له شاری كهركوك نزیكهی 140 هۆڵی و سهنتهری لهشجوانی پیاوان و خانمان ههیه”.
