بەڕێوەبەرایەتی کشتوكاڵی سلێمانی کەرەنتین کرا

SNN- هەوراز ئەحمەد

بەرێوەبەری گشتی کشتوکاڵی سلێمانی رایگەیاند: پاش ئەوەی چوار حاڵەتی تووشبوون بە ڤایرۆسی کۆرۆنا لە نێو فەرمانبەرانی بەڕێوەبەرایەتیەکەمان دەرکەوت لەپێناو بەرژەوەندی هەموو لایەک بڕیارماندا دەوام بۆ ماوەی هەفتەیەک رابگرین.

شاڵاو جەمال بە SNN راگەیاند: زۆربەی فەرمانبەران لە بەشە جیاجیاکان نیشانەی ڤایرۆسی کۆرۆنایان تێدا دەرکەوتووە، ئەمە جگە لەوەی یەکێک لە فەرمانبەرە تووشبووەکان، خانەوادەکەی و منداڵەکانیشی تووشی ڤایرۆسەکە بوون.

بەڕێوەبەری گشتی کشتوکاڵ باسی لەوەکرد: لەسەر فرمانی وەزارەتی کشتوکاڵ، لەپێناو پاراستنی جوتیاران و فەرمانبەران بڕیارماندا دەوام رابگرین تا ئەوکاتەی ئەنجامی پشکنینەکان دەگەڕێتەوە.

ئەمە دووەم بەرێوەبەرایەتیە کە لە سلێمانی کەرەنتین دەکرێت، هەفتەی رابردوو بەهۆی بوونی چەند حاڵەتێکی کۆرۆنا لە بەڕێوەبەرایەتی شەهیدان و ئەنفالکراوانی سلێمانی، بەهەمانشێوە دەوامیان راگیرا.