وەزارەتی پەروەردەی هەرێم ماوەی داشکاندنی کرێی خوێندنی درێژکردەوە

SNN

وەزارەتی پەروەردەی هەرێم لەبەر بەرژەوەندی گشتی و دۆخی هاوڵاتیان بڕیاریداوە بە درێژکردنەوەی ماوەی داشکاندن کە رێژەکەی 10%یە، بۆ کرێی خوێندن لە قوتابخانە و پەیمانگە ناحکومییەکان درێژ بکرێتەوە بۆ 30-7-2020.

دەشڵێت “داشکاندنی 10٪ لەسەر کۆی گشتی کرێی خوێندنە نەک خوێندنی وەرزی دووەم، هەروەها کرێی خواردن و گواستنەوەی بۆ مانگی 3 – 4 – 5 نابێت وەربگیرێت.

لە فەرمانەکەدا ئەوەش هاتووە کە ئەو داشکاندنەی ئاماژەی پێدرابوو لە فەرمانی وەزاری ژمارە 61 لە رێکەوتی 11-5-2020 لە هەندێک قوتابخانە و پەیمانگە وەک خۆی جێبەجێ نەکراوە سکاڵای هاووڵاتیان لە وەزارەت و داواکاری گشتیی تۆمارکراون پاش بەدواداچوون چەندین سەرپێچی لەو بوارە دەستنیشانکراون و وەزارەت چەندین رێکار دەگرێتەبەر وەک سزادانی ماددەی ئەو قوتابخانە و پەیمانگایانە، نوێ نەکردنەوەی مۆڵەتیان، لێسەندنەوەی مافی وەرگرتنی قوتابی بۆ ساڵی خوێندنی ئایندە.